《客語漢羅聖經試讀版》

 | | | 轉寄

約翰福音 第十七章 耶穌為學生祈禱

作者 客語聖經 2009.07.26

17:1 耶穌講liáu 這teû話，就昂頭向天，講：「阿爸啊！時候到lé,願祢榮光祢keLai2-é,pûn Lái-é會榮光祢；
17:2 祢有將治理全人類ke權柄賜pûn祂，使祂將永生賜pûn祢所交託祂ke人。
17:3 永生就係認識祢係惟一ke真神—上主，lâu祢所差遣ke,就係耶穌基督。
17:4 我已經完成祢所教pûn我行ke事，就係在地上榮光祢。
17:5 這下，阿爸啊！願祢賜祢有ke榮光，就係màng有世界之前，我lâu祢同在所有ke榮光。」
17:6 祢所pûn我對世界擇出來ke人，我有將祢ke名顯明pûn他teû知；他teû本來係屬祢ke,祢將他teû賜pûn我；他teû也有遵守祢ke道。
17:7 這下他teû知所有祢所pûn我ke一切，全部係從祢該位來。
17:8 因為祢所教pûn我ke道理，我有賜pûn他teû,他teû也有接受，也有確實知我係從祢該位來，也有信祢有差遣我。
17:9 我為著他teû祈禱；我無為著世間人祈禱，獨係為著祢已經所賜pûn我ke人求；因為他teû係屬祢ke.
17:10 所有所有屬我ke係屬祢ke;所有屬祢ke也係屬我ke;我ke榮光係藉著他teû顯明出來。
17:11 我這下oi去祢該位，以後我無再留在這世間lé,他teû oi留在世間。聖潔ke阿爸啊！願祢差祢ke名，就係祢所pûn我ke,保守他teû,使到他teû會合做一體，像祢lâu我共樣。
17:12 我還lâu他teû同在ke時，我有用祢ke名，就係祢所pûn我ke,保守他teû,我也有保護他teû,除liáu其中一個人註定oi滅亡以外，無一個子會失掉，使到聖經ke話得應驗。
17:13 總係這下我來就近祢；我還在這世間時有講這teû話，係oi pûn他teû ke心充滿我ke喜樂。
17:14 我將祢ke道賜pûn他teû,世間人就怨恨他teû,因為他teû m̀係屬這世間，像我m̀係屬這世間án-ngiòng.
17:15 我m̀係求祢帶他teû出世間，獨係求祢保守他teû脫離惡魔ke手。
17:16 他teû m̀係屬這世間，像我m̀係屬這世間án-ngiòng.
17:17 願祢用真理賜他teû,將自家奉獻pûn祢；祢ke道就係真理。
17:18 像祢差遣我入世間，我也差遣他teû入世間。
17:19 為著他teû ke緣故，我將自家奉獻pûn祢，使到他teû自家也會誠心奉獻pûn祢。
17:20 我m̀單淨為著這teû人來求，我也係為著所有有接受他teû ke道來信靠我ke人來求。
17:21 願他teû全部合做一體；像阿爸，祢在我底背，我也在祢底背，使到他teû也在我teû底背；願他teû全部合做一體，直到世間人會信祢有差遣我來。
17:22 有祢所賜pûn我ke榮光，我也賜pûn他teû,使到他teû會合做一體，像我teû會合做一體án-ngiòng.
17:23 我在他teû底背，祢也在我底背，使到他teû完全合做一體；直到世間人知祢有差遣我，也有愛惜他teû,像祢有愛惜我án-ngiòng.
17:24 阿爸啊！祢所賜pûn我ke人，我所在ke地方，這teû人也會lâu我同在，使到他teû看得到我ke榮光，就係祢所賜pûn我ke;因為祢自創造世界之前就愛惜我。
17:25 公義ke阿爸啊！世間人m̀識祢，獨獨我識祢，這teû人也m̀知祢就係差遣我來ke;
17:26 我已經使他teû認識祢，我也還oi使他teû識祢，使祢對我ke愛惜充滿在他teû生命，我也在他teû生命中。