《客語漢羅聖經試讀版》

| | | 轉寄

約翰福音 第十六章_2 憂愁變快樂

16:16 過無幾久,你teû就看我m̀到;又再過無幾久,你teû又會看到我。
16:17 門徒中有人彼此講:「祂lâu我teû講:『過無幾久,你teû就看我m̀到;又再過無幾久,你teû又會看到我』;又講:『因為我轉去在阿爸該位,』這 teû話係mak-ke意思né?」
16:18 他teû就講:「祂所講 『過無幾久』,這個話係mak-ke意思né? 我teû m̀知祂講mak-ke.」
16:19 耶穌看出他teû想oi問祂,就對他teû講:「我講:『過無幾久,你teû就看我m̀到;又再過無幾久,你teû又會看到我』;你teû因為這句話問來問去嗎?」
16:20 我實在lâu你teû講,你teû會傷心大keu,m̀-ku世間人會喜樂;你teû會憂愁,m̀-ku你teû ke憂愁將會變做喜樂。
16:21 婦人家生產以前就會憂愁,因為受苦ke時候到lé; m̀-ku ô-ngâ-é出世以後,她就m̀記得痛苦,因為歡喜ô-ngâ-é已經出世。
16:22 你teû 這下也有憂愁;m̀-ku我再見到你teû,你teû ke心就喜樂,你teû ke喜樂也無人搶得走。
16:23 在ke日,你teû就m̀會再問我mak-ke。我實在lâu你teû講,你teû假使對阿爸求mak-ke,祂必差我ke名來賜pûn你teû.
16:24 到這下, 你teû m̀識差我ke名來求mak-ke; 從今以後,你teû就必會得到,使你teû ke喜樂會滿滿。