《客語漢羅聖經試讀版》

| | | 轉寄

馬太福音第二十七章_04 被人判死刑

27:15逐年逾越節,總督會照慣例為大眾放一個他teû所愛ke囚犯。
27:16 Ke時,他teû有一個名安做[耶穌] 巴拉巴ke囚犯。
27:17所以,眾人聚集ke時候,彼拉多對他teû講:「你teû oi我放má人pûn你teû?係[耶穌]巴拉巴也係稱做基督ke耶穌喏?」
27:18彼拉多知他teû來出賣耶穌係因為嫉妒。
27:19在開庭當時,彼拉多ke pû娘派人來lâu他講:「你m̀好干涉ke義人ke事,因為我昨暗晡在夢中為著祂受盡多苦。」
27:20眾祭司長lâu長老教唆眾人要求放巴拉巴,處死耶穌。
27:21總係,總督對眾人講:「這兩人當中,你teû oi我放má人pûn你teû?他teû講:「巴拉巴。」
27:22彼拉多就對他teû講:「總係,稱做基督ke耶穌,我oi ngióng般來處理祂喏?」他teû眾人講:「將祂釘十字架!」
27:23彼拉多問講:「祂有做mak-ke壞事喏?」他teû還較大聲喊講:「將祂釘十字架!」
27:24彼拉多看出這個情形,反轉會惹起暴動,假使他加講mak-ke, 就拿水在眾人面前洗手,講:「流這個義人ke血,m̀係我ke罪,你teû自家負責。」
27:25眾人應講:「祂ke血債,算在我teû lâu我teû ke子孫身上。
27:26彼拉多就放掉巴拉巴pûn他teû,鞭打耶穌後,然後交pûn人去釘十字架。