《客語漢羅聖經試讀版》

| | | 轉寄

馬太福音第二十章_01 葡萄園ke工人

20:1 「因為天國可比這個故事:有一個葡萄園ke主人打早出去,請工人去他ke葡萄園做事。
20:2 他同他teû約定一日ke工錢係一隻銀錢,就喊他teû入他ke葡萄園做事。
20:3 朝晨頭九點鐘左右,他又去市場,看到有人閒閒khî在該位。
20:4 lâu他teû講:『你teû也去葡萄園做事,我用公當ke工錢來pûn你teû.』Ke-teû人就去。
20:5 大約當晝十二點lâu下晝頭三點鐘,他又出去,也係án-ngiòng請teû工人來。
20:6 到下晝頭會五點鐘,他又出去,又看到有人閒閒在kekhi5,就lâu他teû講:『你teû做mak-ke歸日閒閒在這khî喏?』
20:7 他teû對他講:『因為無人聘請我teû.』他就lâu他teû講:『你teû也來葡萄園做事。』
20:8 等到臨暗仔,葡萄園ke主人對工頭講:『喊ke-teû工人來,發工錢pûn他teû,從最尾入來ke先pûn, 直到最先入來ke.』
20:9 Ke-teû五點鐘正前來做事ke,每一ke人領到一隻銀錢。
20:10 Ke-teû最先入來做事ke人,他teû想他teû一定領較多;總係他teû也係領一隻銀錢。
20:11 後來,他teû就對ke主人有埋怨,
20:12 講:『我teû歸日在列日下勞苦,他teû最尾來ke單單正做一點鐘久ke事,你也pûn他teû lâu我teû平多ke工錢。』
20:13 Ke主人對他teû其中一個人應講:『朋友啊,我無虧欠你teû. 你teû前m̀係lâu我約定好,一人ke工錢係一隻銀錢嗎?
20:14 拿你ke工錢轉去;我oi pûn最尾來ke人,同pûn你ke工錢一樣。
20:15 敢講我無權好用我自家ke錢嗎?因為我ke慷慨,你teû就眼赤赤嗎?』」
20:16 總係最尾ke將oi做頭前,頭前ke會做最尾。