《客語白話字聖經試讀版》

| | | 轉寄

Má-thai Fuk-yîm thi 26 chông_04

26:17 Chhai Vù-kau-chiet ke theù-ngit, mùn-thù lòi chhîn-chhiu Yâ-sû, kóng :
26:18 Yâ-sû chhiu kóng : “Ngì-teû ngi̍p-sàng hi kien meû-ngìn, lâu kì kóng : ‘Sîn- sâng kóng : Ngài-ke sṳ̀-heu khiûn lé; Ngài oi lâu Ngài-ke mùn-thù chhai ngiâ vuk-hâ sú Yì-ye̍t-chiet.’”
26:19 Mùn-thù cheu Yâ-sû só fûn-fu kì-teû ke lòi hàng; chhiu-hi chún-phi Yì-ye̍t-chiet ke vân-chhôn.
26:20 Lìm-am-é, Yâ-sû lâu sṳ̍p-ngi-ke mùn-thù vì-tén chok-è chhô-tén;
26:21 kì-teû chhai sṳ̍t-fan ke sṳ̀, Yâ-sû kóng : “Ngài sṳ̍t-chhai lâu ngì-teû kóng, ngì-teû tông-chûng yû yit-ke-ngìn oi chhut-mai Ngài.”
26:22 Mùn-thù chhiu chhin yù-seù, yit-ke yit-ke tui Yâ-sû kóng : “Chú â ! Chhièn he ngài mâ?”
26:23 Yâ-sû chhiu en kóng : “Lâu Ngài khiung-ha yung khiung-chak phàn-è vun-piáng ke, liá-sà chhiu-he oi chhut-mai Ngài-ke.
26:24 Cheu Sṳn-kîn só ki-chai ke sṳ, Ngìn-chṳ́ pit-voi su-hoi; chúng-he chhut-mai Ngìn-chṳ́ ke ngìn yû châi-fo â! Liá-sà mo̍k chhut-se hàn kha hó.”
26:25 Chhut mai Kì-ke Yù-thai chhiu kóng : “Sîn- sâng, chhièn he ngài mâ?” Yâ-sû en: “Ngì yí-kîn kóng lé.”