《山肚ke暗夜》

 | | | 轉寄

Thiau-ko (跳過)

作者 Hiû Yit-fàm....邱一帆 2011.05.22

跳過
Tiau-ko
生趣ke格仔
Sên-chhi ke kak-é
佇地泥面頂
Tî thi-nài mien-táng
九天堂內ke世界
Kiú thiên-thòng-nui ke sṳ-kie
彩色童年ke身影
Chhái-set thùng-ngièn ke sṳ̂n-yáng

身影，跳過
Sṳ̂n-yáng, thiau-ko
刺激ke鏡頭
Chhiuk-kit ke kiang-theù
佇電視ke面頂
Tî thien-sṳ ke mien-tán
史豔文同烏白郎君ke對決
Sṳ́-yiam-vùn thùng vû-phak lòng-kiûn ke tui-kiet
在目珠網
Chhai muk-chû-mióng
隔壁鄰舍食飯桌ke底下
kak-piak lìn-sa sṳt-fan-chok ke tái-hâ

鄰舍，跳過
Lìn-sa,thiau-ko
離開ke庄下
Lì-khôi ke chông-hâ
追求經濟ke繁榮
Chûi-khiù kîn-chi ke fàn-yùng
都市生活ke冷漠
Tû-sṳ sên-fat ke lâng-mo̍k
分人踩踩踏踏
Pûn-ngìn chhài-chhài thap-thap

人生，跳過
Ngìn-sên, thiau-ko
過往ke生活
Ko-vông ke sên-fat
像雲消霧散
Chhiong yùn-seû vu-san
精神ke追求
Chîn-sṳ̀n ke chûi-khiù
Ngióng般頓恬
Ngióng-pân tún thiâm