《編輯案頭》

| | | 轉寄

轉載:寶島客家廣播電台生日快樂!

  財團法人寶島客家廣播電台成立第25週年,客家委員會主任委員李永得昨晡日(9/7)hi台北兄弟大飯店參加台慶25週年餐會,lâu客家鄉親共下歡慶電台生日,總統蔡英文ya送上祝福,勉勵寶島客家廣播電台做得繼續為客家語言lâu文化努力,pûn客家越來越發揚光大。

  9月7號寶島客家廣播電台歡慶25周年,總統蔡英文特地錄製祝賀影片,蔡總統指出寶島客家廣播電台he傳承客家語言lâu發揚客家文化當重要ke一環,故所十分欣慰寶島客家對客家文化ke努力,她ya承諾政府定著會繼續全力支持客家事務。

  客委會表示,1988年12月28號「還ngài阿姆話運動」煞猛爭取客語公領域發聲,客語漸漸仔yû出聲ke機會,1994年「財團法人寶島客家廣播電台」身為台灣第一家以客語發聲ke FM廣播電台開播,保障客家族群媒體ke近用權益lâu文化發聲,25年來發揚客家文化lâu推展社區意識,關懷社會各族群階層、落實公益事項,he十分優質ke客家廣播電台,歡迎民眾收聽支持。