《編輯案頭》

| | | 轉寄

轉載:生祥樂隊ㅤ亂世開騷ㅤlâu香港共下行

  十二月四號,拜三暗晡夜八點,香港柴灣青年廣場舉辦「臨暗.我庄ㅤ生祥樂隊 2019 香港演唱會」。主辦演唱會ke島米制作表示:「除非政府頒布宵禁令,mò,ên定著會舉行。」,me推出「學生半價票」,鼓勵還啊多學生仔來聽客家音樂,期望pûn香港力量。

  生祥樂隊tui 2001 年行向國際,巡迴歐、亞、美洲十ko隻國家,舊年七月登上紐約中央公園 Summer Stage,lâu臺灣特別ke客家農村搖滾傳to國際。Liá擺he生祥樂隊liá五年來第四擺to香港演出。

  Tui 1998 年,台灣ke反美濃水庫運動開始,to後來「後勁反五輕」運動、反世貿運動、保護本土農業運動、甚至太陽花學運lâu遮仔運動liá-teû,生祥樂隊ke音樂一直lâu社會環境運動、本土農業、本地文化共下行,鼓勵看m̀著未來ke後生人。生祥樂隊長年關注農工、環境議題,音樂上ya以台灣傳統音樂元素為基底,協調西方當代音樂。面對臨暗,文化藝術做得鼓勵人面對困境。生祥樂隊希望用歌聲,lâu香港共下行。