《田螺》

| | | 轉寄

Thùng-fâ yí (桐花雨)

Thùng-su táng hí theù-nà-táng ke siet-pha̍k
桐樹頂起頭拿頂ke雪白
Sióng vi ô-chô ke sa-fi liù-hâ yit-tiám
想為ô-chô ke 社會留下一點
Yit-tiám yit-tiám m̀ tet ngìn siak ke chhîn-pha̍k
一點一點m̀得人惜ke清白
Khiu-la̍k sâm-ngie̍t kô ke mòi-yí
舊曆三月天頂高ke梅雨
Sióng-vi chhâu-sîm ke Thòi-vân lo̍k-hâ yit-chhṳn
想為操心ke台灣落下一陣
Yit-chhṳn yit-chhṳn mò ngìn siak ke yí-súi
一陣一陣無人惜ke雨水
Ngài kì-chhai chhûng-mùn chhièn
我企在窗門前
Sióng khon yû-chhìn ke yí-súi
想看有情ke雨水
Yit-tiám lióng-tiám ngióng-pân lo̍k-hâ
一點兩點ngióng般落下
Ngài khî-chhai chhûng-mùn heú
我企在窗門口
Tham-mong tô-chhìn ke thùng-fâ
探望多情ke桐花
Yit-phì lióng-phì ngióng-pân tá-lo̍k
一皮兩皮ngióng般打落
Mân-thiên ke mùng-sâ-yên
漫天ke濛紗煙
Chhiu-chhiong yit-thiàu chhûng-liàm-pu
就像一條窗簾布
Lâu ngài ke sṳ-sien tái-to chhiû-chhiû
Lâu我ke視線抵到chhiû-chhiû
Thùng thai-kâ ke sîm châ-to set-set
同大家ke心遮到塞塞