《善雄牧園》

| | | 轉寄

台北客語禮拜ke沿革 (2) (修訂版)

1994年為配合本會oi成為萬民祈禱ke殿,總會客家宣教委員會就決議將台北客語禮拜合併在本會客語禮拜小組底背,就在同年2月6號下晝三點舉行台灣基督長老教會台北東門教會開拓客語禮拜ke聚會,ke日有本會牧師、長執、會友、客宣代表lâu客家信徒總共65人,khiung-ha敬拜上帝,會後分享客家餐點、非常鬧熱。

本會客語禮拜開拓到1995年,每主日下晝三點在一樓副堂聚會,平均出席10人,個位數ke出席係常事,為到做得有效促進客語禮拜ke成長,本人在1995年228 ke日決定回應主ke召命,離開事奉8年久ke總會事務所,m̀顧一切 投入在客語禮拜,目前本人以請事假ke身份做liá開拓事工,得總會教育幹事張德謙牧師組成後援會支援我teû ke工作,其他本會客語禮拜小組lâu總會客宣也有經費上ke支持;為拓展客語禮拜ke功能,已另設台北客宣中心 ( Hakka Mission in Taipei) ,辦公室在南港區研究院路二段54巷26 號2F 。Liá-ke辦公室係由一位愛主ke姊妹提供m̀-sṳt錢借用,感謝 主!