《善雄牧園》

 | | | 轉寄

主復活了(修訂版)

作者 邱善雄 2012.03.04

主耶穌基督於拜五下晝pûn釘死在十字架後，就pûn人埋葬，m̀-ku主講：「祂死後第三日必要復活，」ku-só,法利賽人lâu祭司長他teû就設兵看守墓門，預防主ke門徒竊屍。雖然liá樣，到第三日朝晨頭忽然地震，pûn看守ke兵仔魂m̀附體，sat-sat拼命入城去報告祭司長。

兵仔pûn人賄賂，講主pûn人竊走，同時無一久，有服侍主，盡愛主ke婦人家oi來省主墓，在路hong想起má人做得搬開在墓口ke大石頭，正鬱卒向前觀看時，忽見墓門ke大石已經pûn人挪開，ke時她teû也疑惑主ke屍體敢係pûn人竊走或移到別ke所在，就在傷心懷疑時見有一位天使出現在ke石頭頂高，ke天使面貌光耀奪目，衫褲白阿像雪，pûn ke-teû婦人還驚奇顫慄，天使就對ke- teû婦人家講，妳teu5m3使驚，因我知妳teû在尋ke pûn人釘在十字架ke耶穌，祂無在liá所在，祂已經復活。係按照主所講得，就ham ke-teû婦人去看主所眠臥ke原位，並命令她teû 遽遽去報消息pûn主ke門徒知，lâu他teû講，主在lâu他teû約束ke地方—加利利相見。

她teû就帶tén驚喜ke心情chhin遽離開墓地走轉去，在途中主忽然向她teû顯現，講平安！馬利亞等就伏下攬金腳拜地，然後向原途走轉去lâu他teû門徒講。十一位門徒就相約到達以前lâu主所約定在加利利ke山，主就出現pûn他teû看，又命令他teû所oi遵守ke事，liá係主復活了ke命令lâu吩咐。

1. 主掌管天上天下ke權柄：Liá係主以極痛苦慘死ke方法所得來，上帝就用liá權柄pûn凡假使信祂ke人得永生，m̀信者滅亡。

2. 命ke-teû學生往普天下招萬民來信主：Liá係主交待ên-teû ke使命，ke-teû使徒已經照主ke旨意來完成，並將liá使命轉交在ên-teû身上。

3. 信者必須受洗，歸於父子聖靈ke名下，並遵守主一切ke命令lâu教訓。

4. 復活ke主要每日陪ên-teû直到世界ke末日：為liá, ke-teû使徒有復活ke主lâu他teû同在勇敢，不屈不撓ke精神，傳主ke福音，因為主有復活，ke復活能力來推進他teû ke心來宣揚主復活ke信息。現今ke位於多年前復活ke救世主，相同係每日lâu ên-teû同在。

最尾，願ên-teû感謝上帝，因主ke復活pûn ên-teû有來生ke希望，pûn ên-teû ke信仰，m̀至於空洞。願ên-teû也遽遽將主復活ke信息披揭在ên-teû四周，引人歸主下，以耀主名。