《善雄牧園》

| | | 轉寄

敬拜上帝I (修訂版)

當主耶穌基督離開猶太,oi去加利利ke地方傳道,有經過撒瑪利亞ke敘加城,主耶穌在ke底背有lâu一位撒瑪利ke婦人在雅各ke井旁講到,其中ke位婦人有講起關係敬拜上帝ke問題,liá問題也係ên-teû現今每位信徒所應該知ke事,現今教會內敬拜上帝者有二種人:

1. 守儀式者
有chhin多人,他teû都主張只有注重禮拜儀式,無注重聽道理,他teû感覺到做得帶人到上帝ke面前,方法就係在講道前ke禮拜式,ku-só有chhin多人就注重禮拜儀式,顛倒對於聽道理就馬虎算lè.

2. 聽講道者
另一種人他teû係注重聽道理,ku-só假使禮拜時,禮拜式無參加到無要緊,牧師或先生ke講道聽到就好lè; liá種人時常會陷落在無虔誠ke狀態,m̀-ku liá也有益處,像有teû m̀識道理ke人,經過牧師ke講道lâu淺明道理,就像lâu上帝更親近,也幫助他還較識上帝真理生命ke話,無論哪種,都有益處,m̀-ku都有其所共同做m̀得犯到ke,就係做m̀得只有守形式,你假使敬拜上帝只有守形式,你ke敬拜就化為烏有。

先來講聽道理ke三種方法:

1. 聽道前
雅各sṳt lâu ên-teû講,oi先除去ên-teû內心一切ke污穢,lâu一切ke惡毒lâu內心一切ke怨恨,chang來就近上帝敬拜祂;主耶穌在世間時,祂也sṳt教示人講:「你oi親近上帝獻祭pûn祂之先,oi先想起你有lâu兄弟中無和好ke無?或者有mak-ke怨妒?假使有你oi獻之前,oi先去lâu你ke兄弟和好,然後chang來敬拜上帝,ku-só ên-teû在màng來禮拜堂以前,oi先省察自家,將ên-teû ke心事惡念除去,然後chang入拜堂敬拜上帝。

2. 聽道時
Ên-teû都知來到上帝ke面前就係oi聽上帝ke話,使上帝ke話做得入在ên-teû ke心教示ên-teû, 做ên-teû ke幫助,ku-só ên-teû在禮拜前時oi用溫柔來接受所聽ke道理。

3. 聽道後
Ên-teû每位兄姐做m̀得只有聽道理thin-thin, 因為只有聽道理係m̀夠,ên-teû聽道理後,必須oi照道理去行,假使m̀係liá樣,你所聽見ke係等於空空,係自家騙自家。你teû oi行道理,m̀係只有聽來自家騙;假使聽道理後無去行,就係像人照鏡時詳細看他本來ke面,看後又隨時記m̀得他係生做mak-ke樣?Ku-só雖然ên-teû禮拜時有盡力詳細聽道理,m̀-ku禮拜後轉去屋家時,竟然將ke日所聽見ke道理都忘得淨淨,liá就係ên-teû聽後,無照道理來行,假使ên-teû聽後有即時去liá樣做ke人,在將來他得到最大ke福氣。