《客家消息》

| | | 轉寄

轉載:屏東五溝水水門修繕動工典禮 李永得期望完整保存客家生態聚落

  客家委員會主任委員李永得109年2月24號朝晨hi屏東縣萬巒鄉,參加五溝水一號水門修復動工典禮。李主委表示,水文一路里來he客家文化盡重要ke一環,希望聚總地方各單位ke力量,復育五溝水ke環境生態lâu保存客庄文化。

  李主委表示,水門ke修繕應該結合大家ke力量lâu研究專業建議,pûn地方鄉親共下參加,未來除忒會好好保留環境生態、好好經營,ya tui環境教育lâu萬巒ke地方發展帶來盡大ke好處。Liá-pái五溝水一號水門ke修復lâu水草棲地ke營造,包含了水閘門、攔河堰lâu導水堰修復、水草復育區設置、護岸固床工程lâu遊客解說步道、植物解說牌、植栽美化工程lâu水道疏濬liá-teû,另外,ya開辦志工培訓課程,pûn地方民眾共下來參加。

  萬巒鄉客家人口大體yû 1萬9,000人,he客家文化重點發展區,liá-pái客家生態聚落營造計畫主要he以五溝水岸聚落結合生態棲地復育lâu文化空間ke營造,配合地方lâu民眾參加計畫ke輔導,營造五溝水做為六堆地區客家生態聚落ke示範村。期盼整體環境生態建置完成後,做得vi當地客庄注入新ke生活樣貌。