《《馬偕在台灣》布袋戲客語字幕》

 | | | 轉寄

《馬偕在台灣》布袋戲 第四幕 艋舺(4-2)

作者 林俊育（編）；劉敏貞（客語翻譯） 2008.10.05

4-2
燈光：室內燈

佈景：室內景B

音樂：艋舺哭

※阿桃上台

阿 桃：嫁來艋舺已兩年，以為做得大富貴；
原本快樂ke日子，má知此地起染病；
老公得病將會死，m̀知nai位有藥醫。


※旁插字幕：
寒熱病(Malaria,華語：瘧疾又名打擺子)， 係經由瘧原蟲(蚊)叮咬傳播ke傳染病，主要係發生在公共衛生落伍地區。 臨床病症係週期性、定時性發作忽寒、忽熱，嚴重會致到死亡。 18, 19世紀ke台灣環境衛生tshin差，寒熱病係tshin驚人ke傳染病。 雞納霜(Quinine,華語：奎寧/金雞納霜) 係專治寒熱病ke特效藥， 馬偕牧師從歐洲引進來台灣，醫好tshin多人。

我hêm做阿桃è，係五股坑ke人，原本想講嫁pûn艋舺ke頭兄做得ko好命，無想tó我老公去tó tó寒熱病，差yit-sit就無命lè,四界又tshìm無藥醫.... 我..我真是vâi命........

（內白:報ah!）

阿 桃：Má-ke事情？

（內白:有一ke五股坑來ke se-moi-é講oi tshìm阿嫂你）

阿 桃：Ho͘ⁿh, 五股坑oh? (Ngióng辦？)


好lah, hêm她入來坐。

（內白:阿蔥姑娘請底背坐）※阿蔥上台

阿 桃：Ho͘ⁿh,原來係阿蔥ah ! Án久無看tó，來..來..來，先坐下來tsang ko講ah。※阿蔥坐下

阿 桃：阿蔥，係má-ke風lâu你吹來？

阿 蔥：自從妳嫁來艋舺以後就無聯絡lè,我tshin想妳，m̀知你過得好無？

阿 桃：我...我...oh...oh...(淒慘keu)

阿 蔥：係ngióng-è哭to án-ngiòng no,係m̀係他打你?

阿 桃：M̀係lah ! 係他....他tó tó寒熱病，差yit-sit-é就無命lah。

阿 蔥：阿桃，我oi出門ke時節，我老公知艋舺流行寒熱病，故所hêm我帶一sit-é雞鈉霜在身上。

阿 桃：Ngh,雞鈉霜係má-ke ah?

阿 蔥：Liá雞鈉霜係從外國帶轉來ke，專門醫治寒熱病ke藥é。

阿 桃：有影，án樣我老公就有救loh。

阿 蔥：我有加帶一sit-é,假使有人需要，做得拿去then-sú別人，等我拿一下。

※將藥交pûn阿桃

阿 桃：阿蔥，我...我...我m̀知oi án-ngiòng lâu你講多謝tsang好neh?

阿 蔥：M̀使lah ! ên-têu係好姊妹，過幾日我會帶我老公khiung-ha來一pái,看妳老公有ko好無？時間無早loh,我oi tsón來去淡水lè。

阿 桃：Ên-têu án久無見面，你加留幾日，好無?

阿 蔥：再過無yit久就見面lè，你趕緊拿藥去pûn妳老公食。

阿 桃：Án樣我就無送loh,順行...

阿 蔥：請

※阿蔥下台

阿 桃：希望liá藥é會有效，an-nè好，趕緊拿去pûn我老公食。

※阿桃下台