約翰福音第一章
作者 客語聖經 2012.03.11
現 代 普 世 版
客 語 聖 經
約 翰 福 音
第 一 章
生 命 之 道
1 在 源 起 有 道，道 lâu 上 主 同 在，道 也 就 係 上 主。
2 Liá-ke 道 在 源 起 lâu 上 主 同 在。
3 萬 物 係 由 祂 來 做 成；大 凡 所 做 成 物，無 一 件 m̀ 係 由 祂 來 成。
4 在 道 有 生 命；liá-ke 生 命 係 人 ke 光。
5 Liá-ke 光 照 在 暗 中；暗 從 來 m̀-sṳt 贏 過 祂。
6 有 yit-ke 係 thèn 上 主 所 遣 使，名 約 翰。
7 Liá-ke 人 來做 證，係 oi 為 到 光 來 做 證，使 眾 人 聽 到 祂 ke 道 理 來 信。
8 祂 本 身 m̀ 係 ke 光，獨 係 oi 為 ke 光 做 證。
9 有 真 ke 光，就 係 入 世 ke ,來 光 照 各 人。
10 祂 在 世 界，世 界 也 係由 祂 來 做 成，世 界 又 m̀ 識 祂。
11 祂 來 到 祂 自 家 ke 地 方，自 家 地 方 ke 人 也 無 接 納 祂。
12 大 凡 接 納 祂，就 係 信 靠 祂 ke 名 ke 人，祂 就 有 權 pûn 他 teû 來 做 上 主 ke 子 女；
13 他 teû m̀ 係 thèn 血 氣，也 m̀ 係 thèn 肉 ke 意，也 m̀ 係 thèn 你 ke 意，只 有 thèn 在 上 主。
14 道 也 成 做 肉 體，在 我 teû 之 中，充 滿 恩 典 真 理，我 teû 看 到 祂 ke 榮 光，liá 係 父 獨 生 子 chang 有 ke 榮 光。
15 約 翰 為 到 祂 做 證，呼 喊 講：Liá-ke 就 係 我 早 所 講 ke :『在 我 之 後 來 者，既 然 做 我 ke 頭 前，因 為 祂 係 先 到 存 在。』」
16 因 為 出 在 祂 ke 充 滿，我 teû 攏 總 有 所 接 受，有 得 恩上 加恩。
17 因 為 律 法 係 thèn 摩 西 傳 來；恩 典 lâu 真 理 就 係 thèn 耶 穌 基 督。
18 自 來 m̀ 識 有 人 見 過 上 主；獨 生 ke 子，就 係 在 父 胸 懷 中，祂 有 啟 示 出 來。
施 洗 約 翰 ke 見 證
19約 翰 所 做 ke 證 在 下：猶 太 人 自 耶路 撒冷 派 祭 司 lâu 利 未 人 去 問 他 講：「你 係 má 人？」
20 當 時 他 就 承 認，無 隱 藏；他 認 講，我 m̀ 係 基 督。
21 他 teû 就 問 他 講，án-ngiòng? 你 係 以 利 亞 嗎？他 講，我 m̀ 係。你 係 ke 先 知 嗎？應 講：M̀ 係。
22 故 所 他 teû 就 接 著 講，你 係 má 人？使 得 我 teû 有 好 回 覆 派 我 teû ke 人。你 講 你 自 家 係 má 人？
23 他 講，我 係 曠 野 中 呼 喊 者 ke 聲，講，修 直 主 ke 路，照 先 知 以 賽 亞 所 講 ke.
24Ke-teû 來 ke 人，係 法 利 賽 人 所 派 來 ke.
25他 teû 就 問 他， lâu 他 講，既 然 你 m̀ 係 基 督，也 m̀ 係 以 利 亞，也 m̀ 係 先 知，ngióng 般 行 洗 禮 喏?
26 約 翰 應 他 teû 講，我 行 洗 禮 係 在 水；在 你 teû 中 企 tén 有 你 teû 所 m̀ 識 ke.
27 就 算 在 我 後 來 者，總 係 我 lâu 祂 脫 鞋 也 無 資 格。
28 Liá-ke 事 行 在 約 旦 外 ke 伯 大 尼，約 翰 行 洗 禮 ke 所 在。
上 主 ke 羔 羊
29 第 二 日 約 翰 看 到 耶 穌 對 他 行 過 來，就 講，看 啊 ！上 主 ke 羔 羊，擔 世 界 ke 罪 !
30Liá-ke 就 係 我 早 所 講，在 我 之 後 來 有 一 個，總 係 比 我 較 偉 大，因 為 我 還 màng 出 世。
31 早 我 也 m̀ 識 祂；總 係 因 為 oi 使 祂 向 以 色 列 人 顯 明，故 所 我 就 用 水 行 洗 禮。
32 約 翰 有 做 證 講，我 有 看 到 聖 靈 自 天 降 下 像 白 鴿；來 落 在 祂 上 頭。
33早 我 也 m̀ 識 祂，只 有 使 我 行 洗 禮 ke 上 主，祂 有 lâu 我 講，你 看 到 聖 靈 降 臨 來 落 在 祂 身 上，liá-ke 人 就 係 用 聖 靈 行 洗 禮 ke.
34我 有 看 到，也 有 做 證 講，liá-ke 係 上 主 ke 子。
頭 一 擺 選 召 學 生
35 在 天 光 日 約 翰 lâu 他 門 徒 中 兩個，在 ke 位 企;
36 約 翰 看 耶 穌 在 ke 位 經 過，就 講，看 啊！上 主 ke 羔 羊！
37 Ke 兩 個 門 徒，聽 到 祂 ke 話，就 thèn 耶 穌。
38 耶 穌 轉 身 看 到 他 teû thèn 祂，就 問 他 teû 講：「你 teû 尋 mak-ke ?」他 teû 就 對 祂 講：「拉 比 (翻 譯 就 係 講 先 生)，你 在 nai 位？」
39 就 lâu 他 teû 講，來，你 teû 就 看 得 到。故 所 他 teû 就 來 看 到 祂 he̍t 在 nai 位；ke 日 就 lâu 祂 共 下 he̍t ; 當 時 大 約 下 晝 四 點 鐘。
40聽 到 約 翰，來 thèn 耶 穌 ke 兩 儕 中，一 個 係 西 門 彼 得 ke 兄 弟 安 得 烈。
41 他 就 先 尋 到 自 家 ke 兄 弟 西 門，lâu 他 講，我 teû 既 然 尋 到 彌 賽 亞。(彌 賽 亞 翻 譯 就 係 基 督)。
42 就 帶 他 來 見 耶 穌。耶 穌 注 目 他，就 講，你 係 約 翰 ke 子 西 門；你 將 稱 做 磯 法 (翻 譯 就 係 彼 得)。
呼 召 腓 力 lâu 拿 坦 業
43 又過 一日 耶 穌 想要 去 加 利 利，就 尋 到 腓 力，lâu 他 講，來 thèn 我。
44 腓 力 係 伯 賽 大 人，lâu 安 得 烈 彼 得 同 鄉。
45 腓 力 尋 到 拿 坦 業，就 lâu 他 講：摩 西 在 律 法 lâu 眾 先 知 所 記 ke 儕，我 teû 既 然 尋 到 lé,就 係 拿 撒 勒 人，約 瑟 ke 子 耶 穌。
46拿 坦 業 就 對 他 講：「有 mak-ke 好 ke 會 從 拿 撒 勒 出 嗎?」腓 力 lâu 他 講：「來 看。」
47耶 穌 看 到 拿 坦 業 對 祂 行 過 來，就 指 他 講：「看 啊！實 在 係 以 色 列 人，心 中 無 詭 詐 ke !」拿 坦 業 就 對 祂 講：「你 ngióng 會 識 我？」
48 耶 穌 應 他 講：「腓 力 màng 喊 你，你 在 無 花 果 樹 下，我 已 經 看 到 你。」
49 拿 坦 業 應 他 講：「拉 比，你 係 上 主 ke 子；你 係 以 色 列 王。」
50 耶 穌 應 他 講，因 為 我 lâu 你 講：「我 看 到 你 在 無 花 果 樹 下，你 就 信 嗎? 你 會 看 到 比 liá 更 大 ke 事 情。」
51 又 lâu 他 講，我 實 在 lâu 你 teû 講：「你 teû 會 看 到 天 開，有 上 主 ke 眾 使 者，在 人 子 身項 上去 下來。」
|
|
|
轉寄
