《戀戀台灣客家文學》

| | | 轉寄

Mî-nùng yên-ngia̍p...美濃菸業

liá chhiâng-chhiâng ke yên-thièn
這青青ke菸田
yit-ngit chúng-oi sùn kí-â-pái
一日總oi巡幾啊擺
phi-tén yên-ya ke mi-si
phi等菸葉ke味緒
fûng yu chhôi-lòi
風又吹來
m̀-sṳ̀ khon
m̀使看
me tî kîm-ngièn ke sû-sṳ̀n ngióng-pân
乜知今年ke收成樣般
M̀-tî nái-sṳ̀ khôi-sṳ́
m̀知奈時開始
tông seú thâng-tó lai-è ti seu
當少聽到賴仔ti笑
Tak-pái kóng oi khi sùn yên-thièn
逐擺講oi去巡菸田
kì chhiu tiâm-tiâm
佢就惦惦

Ngì m̀-ki-tet ngò?
你m̀記得囉?
Ngì he yung yit-ngièn-ngièn yên-ya thu-thai ke
你he用一年年菸葉度大ke
Thu̍k-sû thu̍k-voi-voi
讀書讀會會
Kîm-ngièn to-chón-lòi
今年倒轉來美濃
ngióng-voi mò oi seu ngò?
樣無愛笑囉?


Yû-sṳ chhiu lâu ngài kóng
有事就栳啀講
Yû-sṳ chhiu thùng yên-thièn kóng
有事就同菸田講

“m̀-ko…”
「毋過……」
Lài-é ti sîm-tú kóng:
賴仔ti心肚講:
“Màng-ngièn A-pâ chhiu khon-m̀-tò yên-thièn le…”
「明年阿爸就看m̀到菸田咧……」


Chhiâng-chhiâng ke yên-thièn
青青ke菸田
chhiâng-chhiâng ke ki-yi
青青ke記憶
Chúng-oi thèn-tén yên-ya mi-si
總oi跈等菸葉味緒
khiung-ha hàng-ngi̍p li̍t-sṳ́
共下行入歷史