《客語白話字聖經試讀版》

| | | 轉寄

Yok-hon Fuk-yîm, Thi-18-chông_4 Thai-chi-sṳ̂ Phàn-mun Yâ-sû

約 18:19 Thai-chi-sṳ̂ phàn-mun Yâ-sû koân-he Kiâ mùn-thù lâu Kì-ke kau-hiun.
約 18:20 Yâ-sû en kì kóng: “Ngài lâu ngìn kóng-fa chhiùng-lòi tû he kûng-khôi; Ngài sṳ̀-sông chhai ke-teû fi-thòng lâu Sṳn-thien, chhiu-he Yù-thai-ngìn chhi-fi ke só-chhai kau-hiun ngìn, Ngài mò chhai am-chûng kóng-lun mak-ke;
約 18:21 Ngì cho-mak-ke phàn-mun Ngài né? Hi mun yû thâng-ko Ngài kóng-fa ke ngìn, Ngài ngióng-pân hiong kì-teû kóng, liá-teû ngìn tî Ngài sṳt kóng mak-ke.”
約 18:22 Yâ-sû kóng-liáu liá-teû fa,sùn-theù yit-ke vi-pîn chhiu sân Yâ-sû choi-kok, kóng: “Ngì án-ngiòng en Thai-chi-sṳ̂-chóng mâ?”
約 18:23 Yâ-sû en kì kóng: “Na Ngài yû kóng m̀-chho̍k, m̀-chho̍k chhai nai-vi;ká-sṳ́ he mò m̀-chho̍k, ngì cho-mak-ke tá Ngài né?”
約 18:24 Liá-sṳ̀, Â-nâ hàn chiông Yâ-sû thak-tén, sung Kì sung-to Thai-chi-sṳ̂-chóng Kâi-â-fap ke-vi hi.