《客語白話字聖經試讀版》

| | | 轉寄

Yok-hon Fuk-yîm, Thi-16-chông_1 Sṳn-Lìn ke Kûng-chok

約 16:5 Liá-ha Ngài oi to-chón ke chhâi-khién Ngài lòi ke-vi, ngì-teû chûng ya mò ngìn mun Ngài: “Ngì oi hi nai-vi?”
約 16:6 Yîn-vi Ngài yû lâu ngì-teû kóng liá-teû sṳ, ngì-teû chhiu mân-sîm yù-seù.
約 16:7 Sṳ-sṳ̍t-song, Ngài to-chón-hi tui ngì-teû kha hó, yîn-vi Ngài ká-sṳ́ mò chón-hi, pông-chhu-chá chhiu m̀-voi lòi-to ngì-teû liá-vi; Ngài ká-sṳ́ chón-hi, Ngài chhiu-oi chhâi-khién Kì lòi chhiu-khiun ngì-teû.
約 16:8 Kì lòi chhiu pit-thin chṳn-mìn, kì-teû tui chhui, tui ngi, tui Song-chú sṳ́m-phan ke khon-fap chhiòn-phu m̀-chho̍k chhiang-chhiang.
約 16:9 Kì-teû tui chhui ke khon-fap m̀-chho̍k, yîn-vi kì-teû m̀ sin Ngài.
約 16:10 Kì-teû tui ngì-ke khon-fap m̀-chho̍k, yîn-vi Ngài chón-hi Â-pâ ke-vi, yî-heu ngì-teû mò chai ko khon-tó Ngài.
約 16:11 Kì-teû tui Song-chú sṳ́m-phan ke khon-fap m̀-chho̍k, yîn-vi liá sṳ-kie ke vòng yí-kîn su sṳ́m-phan lé.
約 16:12 Ngài hàn-yû chhin-tô sṳ oi lâu ngì-teû kóng, m̀-ku ngì-teû liá-ha put-nèn liâng-su.
約 16:13 Tén-to su chṳ̂n-lî ke Sṳn-Lìn lòi lé, Kì chhiu-oi yín-tai ngì-teû ngi̍p só- yû ke chṳ̂n-lî; yîn-vi Kì m̀-he chhṳ-ngien lòi kóng,thu̍k-he chiông Kì só thâng ke sṳ lâu ngì-teû kóng, ya-oi tui ngì-teû kóng chiông-lòi ke sṳ.
約 16:14 Kì oi yùng-kông Ngài; yîn-vi Kì oi chiông Ngài só kóng ko ke sṳ lòi po ngì-teû tî.
約 16:15 Só-yû Â-pâ só-yû ke yit-chhiet tû-he Ngài-ke; só-yî Ngài kóng, Sṳn-Lìn oi chiông Ngài-ke sṳ lòi po ngì-teû tî.