《客語白話字聖經試讀版》

 | | | 轉寄

Yok-hon Fuk-yîm, Thi-10-chông_3 Yù-thai-ngìn Hi-chhie̍t Yâ-sû

作者 Hak-ngî Sṳn-kîn 2009.02.15

約 10:22 Chhai Yâ-lu-sat-lâng khin-chuk Hien-thien-chiet ke sṳ̀ to lé, ke sṳ̀-heu chhiu- he tûng-thiên;
約 10:23 Yâ-sû hàng chhai Sṳn-thien ke Só-lò-mùn lòng-hâ.
約 10:24 Yù-thai-ngìn lòi vì-tén Kì, tui Kì kóng: “Ngì oi sṳ́ ngài-teû ke sîm ngì-fe̍t to kí-sṳ̀ nè? Ngì he Kî-tuk mâ? Thán-pha̍k lâu ngài-teû kóng.”
約 10:25 Yâ-sû en kì-teû kóng: “Ngài chó chhiu lâu ngì-teû kóng, ngì-teû ya m̀ sin, Ngài fung Ngâ Â-pâ ke miàng só cho ke sṳ, liá-teû chhiu-he Ngài-ke chṳn-kí.
約 10:26 Chúng-he ngì-teû m̀ sin, yîn-vi ngì-teû m̀-he Ngài-ke yòng.
約 10:27 Ngài-ke yòng thèn Ngài-ke sâng, Ngài ya sṳt kì-teû, kì-teû ya thèn-tén Ngài.
約 10:28 Ngài ya su yún-sên pûn kì-teû, kì-teû ya yit-thin yún-kiú mò me̍t-mòng, ya mò ngìn nèn chiông kì-teû tui Ngài-ke sú chhióng-cheú.
約 10:29 Ke chiông kì-teû su pûn Ngâ Â-pâ pí mak-ke tû hàn kha thai; mò ngìn nèn chiông kì-teû tui Â-pâ ke sú-chûng chhióng-cheú.
約 10:30 Ngài lâu Â-pâ he yit-thí.”
約 10:31 Yù-thai-ngìn yu nâ sa̍k-theù oi te̍p Kì.
約 10:32 Yâ-sû en kì-teû kóng: “Ngài sṳt hién-mìn Â-pâ oi Ngài cho ke chhin-tô san-sṳ pûn ngì-teû khon, ngì-teû he vi-chho̍k nai-teû sṳ oi nâ sa̍k-theù te̍p Ngài nò?
約 10:33 Yù-thai-ngìn en kóng: “Ngài-teû te̍p Ngì m̀-he vi-chho̍k san-sṳ, he vi-chho̍k Ngì vú-yu̍k Song-chú, yîn-vi Ngì he ngìn, yu chiông chhṳ-kâ chhṳ̂n-cho Song-chú.
約 10:34 Yâ-sû en kì-teû kóng: “Chhai ngì-ke li̍t-fap kám-kóng m̀-he ki-chai, Song-chú yû kóng, ngì-teû he sṳ̀n ?
約 10:35 Ngài-teû tî Sṳn-kîn ke fa he yún-kiú m̀-voi kói-pien ke. Lièn ke-teû chiap-su Song-chú chṳ̂n-tho ke ngìn, Song-chú ya chhṳ̂n kì-teû cho sṳ̀n.
約 10:36 Ngài he Â-pâ só kién-sién yu chhâi-phai lòi sṳ-kiên, Ngài kóng Ngài he Song-chú ke Lai-é, ngì-teû chhiu kóng, Ngì he vú-yu̍k Song-chú.
約 10:37 Na-he Ngài mò hàng Ngâ Â-pâ ke sṳ, ngì-teû chhiu m̀-sṳ́ sin Ngài.
約 10:38 Na-he Ngài yû hàng, sûi-yèn ngì-teû m̀ sin Ngài, ya yin-tông sin Ngài só hàng ke sṳ, sṳ́ ngì-teû voi tî Â-pâ chhai Ngài tî-poi, Ngài he chhai Â-pâ tî-poi.”
約 10:39 Kì-teû yu sióng-oi chok Kì, m̀-ku Kì tui kì-teû ke sú-chûng sám-cheú.
約 10:40 Yâ-sû chhiu-hi Yok-tan-hò ke tui-ngan, to Yok-hon yit-khôi-sṳ́ hàng sé-lî ke thi-fông, he̍t chhai ke-vi.
約 10:41 Chhin-tô ngìn yu lòi chhiu-khiun Kì, kì-teû kóng: “Yok-hon mò hàng-ko sṳ̀n-chiak, m̀-ku só-yû Yok-hon só kóng koân-he liá ngìn ke fa chhiòn-phu he khok-sṳ̍t ke.”
約 10:42 Chhin-tô ngìn chhiu-chhai ke-vi sin-kho Yâ-sû.