《客語白話字聖經試讀版》

 | | | 轉寄

Má-thai Fuk-yîm thi 21 chông_04 Chṳt-mun Yâ-sû ke Khièn-piang

作者 Hak-ngî Sṳn-kîn 2012.09.09

21:23 Yâ-sû ngi̍p Sṳn-thien, chhai ke kau-hiun ngìn ke sṳ̀-heu, chi-sṳ̂-chóng lâu mìn-kiên ke chóng-ló lòi kien Kì, mun kóng : “Ngì he yung mak-ke khièn-piang lòi hàng liá-teû sṳ? Chúng-he liá-ke khièn-piang he má-ngìn pûn Ngì nò?”
21:24 Yâ-sû tui kì-teû en kóng: “Ngài siên mun ngì-teû yit-ki fa, ká-sṳ́ ngì-teû kóng pûn Ngài tî, Ngài chhiu chiông Ngài yung mak-ke khièn-piang hàng liá-teû sṳ lòi kóng pûn ngì-teû tî.
21:25 Yok-hon hàng sé-lî ke khièn-piang he tui nai-vi lòi? He tui Song-chú, fe̍t-he tui ngìn nò? Kì-teû chhiu pí-chhṳ́ chhâm-siòng kóng: “Ngài-teû ká-sṳ́ he kóng : ‘Tui Song-chú lòi ke,’ Kì yit-thin voi tui ngài-teû kóng : ‘Chúng-he, ngì-teû ngióng-pân m̀ sin Yok-hon nò?’
21:26 Na-he kóng, ‘Tui ngìn lòi ke’; ngài-teû yu kiâng chung-ngìn voi tui-fu ngài-teû; yîn-vi chung-ngìn khon Yok-hon he siên-tî.”
21:27 Kì-teû chhiu tui Yâ-sû kóng: “Ngài-teû m̀ tî.” Yâ-sû ya tui kì-teû en kóng : “Ngài ya m̀ kóng pûn ngì-teû tî, Ngài yung mak-ke khièn-piang lòi hàng liá-teû sṳ.”