《客語白話字聖經試讀版》

| | | 轉寄

Má-thai Fuk-yîm thi 20 chông_01, Phù-thò-yèn ke Kûng-ngìn

20:1 “Yîn-vi Thiên-koet khó-pí liá-ke ku-sṳ: Yû yit-ke phù-thò-yèn ke chú-ngìn tá-chó chhut hi, chhiáng kûng-ngìn hi kì-ke phù-thò-yèn cho-sṳ.
20:2 Kì thùng kì-teû yok-thin yit-ngit ke kûng-chhièn he yit-chak ngiùn-chhièn, chhiu ham kì-teû ngi̍p kì-ke phù-thò-yèn cho-sṳ.
20:3 Cheû-sṳ̀n-theù kiú-tiám-chûng chó-yu, kì yu hi sṳ-chhòng, khon-tó yû ngìn hàn-hàn khî chhai ke-vi.
20:4 Chhiu lâu kì-teû kóng : ‘Ngì-teû ya hi phù-thò-yèn cho-sṳ, ngài yung kûng-tong ke kûng-chhièn lòi pûn ngì-teû.’ Ke-teû ngìn chhiu hi.
20:5 Thai-yok tông-chu sṳ̍p-ngi-tiám lâu hâ-chu-theù sâm-tiám-chûng, kì yu chhut-hi, ya he án-ngiòng chhiáng teû kûng-ngìn lòi.
20:6 To hâ-chu-theù voi ńg-tiám-chûng, kì yu chhut-hi, yu khon-tó yû ngìn hàn-hàn chhai ke khî, chhiu lâu kì-teû kóng : ‘Ngì-teû cho-mak-ke kûi-ngit hàn-hàn chhai liá khî nò?’
20:7 Kì-teû tui kì kóng : ‘Yîn-vi mò ngìn phín-chhiáng ngài-teû.’ Kì chhiu lâu kì-teû kóng : ‘Ngì-teû ya lòi phù-thò-yèn cho-sṳ.’
20:8 Tén to lìm-am lè, phù-thò-yèn ke chú-ngìn tui kûng-theù kóng : ‘Ham ke-teû kûng-ngìn lòi, fat kûng-chhièn pûn kì-teû, chhiùng chui-mî ngi̍p-lòi ke siên pûn, chhṳ̍t-to chui-siên ngi̍p-lòi ke.’
20:9 Ke-teû ńg-tiám-chûng chang chhièn lòi cho-sṳ ke, mî-yit-ke ngìn liâng-tó yit-chak ngiùn-chhièn.
20:10 Ke-teû chui-siên ngi̍p-lòi cho-sṳ ke ngìn, kì-teû siong kì-teû yit-thin liâng kha-tô; chúng-he kì-teû ya he liâng yit-chak ngiùn-chhièn.
20:11 Heu-lòi, kì-teû chhiu tui ke chú-ngìn yû mài-yen,
20:12 kóng : ‘Ngài-teû kûi-ngit chhai lie̍t-ngit-hâ lò-khú, kì-teû chui-mî lòi ke tân-tân chang cho yit-tiám-chûng kiú ke se, ngì ya pûn kì-teû lâu ngài-teû phiàng-tô ke kûng-chhièn.’ 20:13 Ke chú-ngìn tui kì-teû khì-chûng yit-ke-ngìn en kóng : ‘Phèn-yû â, ngài mò khûi-khiam ngì-teû. Ngì-teû chhièn m̀-he lâu ngài yok-thin hó, yit-ngìn ke kûng-chhièn he yit-chak ngiùn-chhièn mâ?
20:14 Nâ ngì-ke kûng-chhèin chón hi; ngài oi pûn chui-mì lòi ke ngìn, thùng pûn ngì ke kûng-chhièn yit-yong.
20:15 Kám-kóng ngài mò khièn hó yung ngài chhṳ-kâ ke chhièn mâ? Yîn-vi ngài ke không-khói, ngì-teû chhiu ngién-chhak-chhak mâ?’ ”
20:16 Chúng-he chui-mì ke chiông-oi cho theù-chhièn, theù-chhièn ke voi cho chui-mì.