《客語白話字聖經試讀版》

| | | 轉寄

Má-thai Fuk-yîm thi 15 chông_05, Pûn Si-chhiên Ngìn Sṳ̍t-páu

br> 15:32 Yâ-sû chhiu ham Kì-ke mùn-thù hàng-chhièn lòi, kóng : “Ngài thoi liá-khiùn ngìn chhin tâm-sîm, yîn-vi kì-teû lâu Ngài khiung-ha yí-kîn sâm-ngit, liá-ha ya mò mak-ke tûng-sî hó sṳ̍t. Ngài m̀ ngien-yi kì-teû tú-kî lòi chón,kì-teû chhai lu-song voi ngo-to pan-sâng-sí.”
15:33 Mùn-thù tui Kì kóng : “Ngài-teû chhai liá phiên-phit ke thi-fông, oi chhiùng nai-vi chhìm án tô sṳ̍t-vu̍t lòi pûn liá yit thai-khiùn ngìn sṳ̍t-páu nò?”
15:34 Yâ-sû lâu kì-teû kóng : “Ngì-teû yû kí-tô piáng?” Mùn-thù en kóng : “Chhit-chak piáng-è lâu kí-mî se ǹg-è.”
15:35 Yâ-sû chhiu fûn-fu chung-ngìn chhô chhai thi-song; 15:36 nâ-hí chhit-chak piáng-è lâu kí-mî se ǹg-è, kám-chhia Song-ti heu,chhiu pak-khôi, kâu pûn mùn-thù,mùn-thù chhiu pûn pûn chung-ngìn.
15:37 Thai-kâ chhiòn-phu sṳ̍t to-páu. Mùn-thù ngiâm sṳ̍t-chhûn ke sui-è, chông-mân chhit-chak làm-è.
15:38 Sṳ̍t ke ngìn, fu-ngìn-kâ lâu sè-ngìn-è yî-ngoi, yû si-chhiên ngìn.
15:39 Yâ-sû chhiu ham chung-ngìn san-khôi , chhiu sông-sòn, lòi to Mâ-kâ-tân ke thi-fông.