《客語白話字聖經試讀版》

| | | 轉寄

Mâ-thai Fuk-yîm, Thi 9 chông_1, Yâ-sû Yî-hó Thân-fûng Phiang-ngìn

9:1 Yâ-sû sông-sòn, thu-ko fù, chhiu lòi-to Kî chhṳ-kâ ke sàng.
9:2 Khon-hâ! Yû ngìn tai ke thân-fûng phiang-ngìn lòi to Kì mien-chhièn. Yâ-sû khon-chhut kì-teû ke sin-sîm, chhiu tui ke thân-fûng ke ngìn kóng : “Se-chṳ́ â! Ngì ôn-sîm; ngì-ke chhui tet sa-miên lè.”
9:3 Tông-chûng yû kí-ke Kîn-ho̍k kau-sṳ̂ nui-sîm sióng: “Liá ke ngìn kóng vú-yu̍k Song-ti ke fa.”
9:4 Yâ-sû tî kì-teû ke sióng-fat, chhiu kóng : “Ngì-teû ngióng-pân sîm-fài ok-ngiam nè?
9:5 Tui liá-ke ngìn kóng : ‘Ngì ke chhui tet-tó sa-miên lè’; ya-he kóng : ‘Hong-hí lòi hàng’, nai-ke kha yùng-yi nò?
9:6 Chúng-he oi sṳ́-tó ngì-teû tî Ngìn-chṳ́ chhai thi-song yû khièn-piang lòi sa-chhui”.Chhiu tui thân-fûng ke phiang-ngìn kóng: “Hong-hí-lòi, khià ngì-ke mùn-piông chón-hi ngì vuk-hâ.”
9:7 Kî chhiu hong-hí-lòi, chón-hi kiâ vuk-hâ.
9:8 Kì-teû chung-ngìn khon-tó chhiu chho̍k-kiâng, kì-teû kûi yùng-kông pûn Song-ti, yîn-vi Song-ti yû chiông án-ngiòng ke khièn-piang lòi pûn ngìn.