《客語漢羅聖經試讀版》

| | | 轉寄

馬可福音第三章_04耶穌lâu別西卜

3:20耶穌入去屋肚;又有一大群人來聚集,害他teû oi食飯ke時間也無。

3:21耶穌屋下ke人聽講這個情形,就出去oi阻擋祂,因為有人講:「祂發癲了!」

3:22就有tui耶路撒冷來ke經學教師講:「祂係被鬼王別西卜所附身ke; 他teû也講,祂係靠鬼王來逐鬼!」

3:23耶穌呼喊他teû行前來,就用比喻對他teû講:「撒但ngióng會逐撒但喏?

3:24一個國家係自相紛爭,該國一定會企m̀住。

3:25家庭係自相紛爭,該家庭將來一定會企m̀住。

3:26若撒但自相紛爭,他就一定會企m̀住,定著會滅亡。

3:27「無人會進去勇士ke屋下來搶他ke財產,除非先纏著勇士,正搶得到他ke東西。

3:28「我實在lâu你teû講,人所犯ke罪,lâu所講譭謗ke話,全部得赦免。

3:29 總係m̀論má人褻瀆聖靈,該人得m̀到赦免,會受定罪到永遠。」

3:30 (因為他teû講耶穌被邪靈附身。」)