《客語漢羅聖經試讀版》

 | | | 轉寄

馬太福音第二十五章_02 三個僕人ke比喻

作者 客語聖經 2013.01.27

25:14「因為天國又可比這個故事：有一個人oi出去旅行，喊他自家ke僕人來，將他所有ke產業交pûn他teû.
25:15他照他teû逐儕ke才調，一個pûn五千ke銀，一個pûn兩千，一個pûn一千；然後他就出發去外地。
25:16Ke領五千ke人，即時將這teû錢去做生理，賺到五千ke銀。
25:17 Ke領兩千ke人，也係án-ngiòng做，另外賺到兩千ke銀。
25:18總係ke領一千ke人就出去，在地泥下來挖一個孔仔，將他ke主人ke錢埋起來。
25:19「過後，ke-teû僕人ke主人轉來，lâu他teû算數。
25:20 Ke領五千ke人就入來，帶著另外ke五千，講：『頭家啊，你pûn我ke五千ke銀，我又加賺五千。
25:21他ke主人對他講：『盡好啊，良善lâu忠心ke僕人啊，你在細細ke事當中，你已經有忠心，我oi 委託你來經營大事。你好入來同你ke主人共下 享受ke喜樂吧。』
25:22「Ke領兩千ke人就入來，帶著另外ke兩千，講：『頭家啊，你pûn我ke兩千ke銀，我又加賺兩千。』
25:23他ke主人對他講：『盡好啊，良善lâu忠心ke僕人啊，你在細細ke事當中，你已經有忠心，我oi委託你來經營大事。你好入來同你ke主人共下享受ke喜樂吧。』
25:24「Ke領一千ke人也行前-來，講：『頭家啊，我知你係盡厲害ke人，m̀-chhièn委種ke所在，也oi收成，m̀-chhièn種ke所在也oi收割。
25:25所以，我盡驚，就將你ke錢埋在地泥下；看啊！你ke錢還你。』
25:26「總係他ke主人就應講：『你這壞又懶尸ke僕人啊，你既然知我m̀-chhièn種ke所在oi收割，m̀-chhièn委種ke所在也oi收成；
25:27你就應該將我ke錢存入銀行，等我轉來ke時，好將我ke錢連本帶利共下領轉來。
25:28你teû將他ke錢拿pûn ke有一萬銀ke.
25:29因為所有已經有ke人，就oi pûn他，使他還有好剩；ke無ke人，連他所有ke一sit-sit仔也oi lâu他討轉來。
25:30這個無用ke僕人，你teû將他逐出去外背；pûn他在該位大keu, lâu咬牙切齒。